అన్వేషణ ఎప్పుడూ మంచిదే. అయితే అన్వేషణ ఫలిస్తే కావాలనుకున్నది పొందుకుంటాం. లేదంటే మనల్ని అటో ఇటో వెళ్లి వెతుక్కోమనే స్వరం కనుక్కుంటాం. ఈ రోజు సూఫీ కవిత్వం గురించి చదువుతుంటే "soofi mysitical poetry" దొరికింది. చదవడం చదవడమే రబియా-అల్ - బస్రి గురించి. నాకు నచ్చేసాయి .అందుకే నాకు వచ్చినట్టు అనువాదం చేసుకున్నాను. మళ్ళీ చదువుకోవచ్చని. ఏమో షేర్ చేస్తే మీకు
కూడా నచ్చక పోదా అని షేర్ చేస్తున్నాను. ( కవిత్వానికి ఆధ్యాత్మికతకి అన్నిటికన్నా ముందు
సంబంధం ఏర్పడిందా అని అనిపిస్తుంది )
రబియా బస్రి
మార్మికసూఫీ కవిత్వం చెప్పిన వారిలో రబియా బస్రి ఒకరు. మార్మిక సూఫీ కవిత్వాన్ని అందించిన మొదటి కవయిత్రి ఈమె. రబియా నిరుపేద కుటుంబంలో పుట్టారు. ఆమె బస్రాకి చెందిన సూఫీ హసన్ అనుయాయి . ( సూఫీ హసన్ ఎవరా అని గూగుల్ చేసి చూసినప్పుడు అతని గురించి ఎన్నో ఆశ్చర్యం కలిగించే విషయాలు తెలిసాయి ). తనని తాను దేవుని పరిచారికగా సమర్పించుకున్న సన్యాసిని రబియా. ఆమె ఆధ్యాత్మిక జీవితం గురించి , తనకున్న దైవభక్తి గురించి అందరూ ఆమెని కొనియాడేవారు. సమయం దొరికినప్పుడల్లా ఆమె గురించి చెప్పుకునే వారు. ఒక సన్యాసిగా, తపస్విగా గడిపిన దానికన్నా ఆమెకి ప్రేమ మీద వున్న భావన గురించి అందునా దైవీక సంబంధమైన ప్రేమ గురించి ఆమె పంచుకున్న విషయాలు అతివిలువైనవి. ఆ భావనలే ఆమెని ఇప్పటి వరకు గుర్తుంచుకునేలా చేసింది అనడంలో సందేహం లేదు. మొదటి తరం సూఫీ కవయిత్రిగా ఆమె తెలుసుకున్న కలిగివున్న దైవిక ప్రేమ భావన అప్పటి వరకూ ఎవరికీ లేదు. - " దేవునికి భయపడాలి కాబట్టి ప్రేమించాలి. అని ముందు తరం సూఫీలు చెప్పినట్టుగా కాక దేవుణ్ణి దేవునిగానే స్వీకరించి అంగీకరించి ప్రేమించాలి అని" రబియా అంటారు .
నాలో ఉంటూ నన్ను హత్తుకుని వుండే నీవే,
నీ వల్లే నీవైన ప్రేమే గొప్ప
4. నిన్ను ఆరాధించేప్పుడు
1. నాలో చేరిన నువ్వు
నాలోకి నిన్ను మళ్ళీ మళ్ళీ చేర్చుతూనే వున్నావు ఎల్లవేళలా నా ప్రియాతిప్రియమైన స్నేహితుడా ఎంతగా అంటే నేను ఏది మాట్లాడినా నీ గురించే మాట్లాడేంత నేను మౌనంగా వున్నా నీ పై అతికాంక్షచే బెంగటిల్లేంత2. హృదయానికి హృదయానికీ మధ్య
ప్రేమలో ఉన్నప్పుడు ఇరుహృదయాలు ఐక్యంగా వుంటాయి మధ్యలో ఏది వుండలేనంతగా మాటలు ప్రేమలో మునిగితేలుతూ ఎంత కాంక్షతో ఎదుటివారిని చేరుతాయో యే బేషజాలు లేక స్వచ్ఛంగా యధార్ధత కలిగిన శుద్ధమైన రుచిగల మాటలు మాట్లాడేవారికే తెలుస్తుంది ఎవరు అసత్యంగా బొంకుతున్నారో ; మీరెవరి ముఖంలోనో బంధించబడ్డప్పుడు ఒక వాస్తవమైన రూపాన్ని వర్ణించమంటే మీరెలా వర్ణిస్తారు? మీరెవరిలో వుంటే వారిలానే కదా3. రెండు ప్రేమలూనీకిస్తాను
నా రెండు ప్రేమలూ నీకే ఇస్తాను నీ కొరకై పరితపించే ప్రేమ, ప్రేమవైన నువ్వు నాకొరకైన ప్రేమ. నీ కొరకైన నా పరితాపంలో జ్ఞాపకాలు నిన్నే వెతుకుతాయి; ఎందుకంటే త్రోవతప్పిన వేళ నిన్నుచేరేందుకు దిక్సూచి నీ తలపులు అలా అని నేను గొప్ప ప్రేమికని కాదునాలో ఉంటూ నన్ను హత్తుకుని వుండే నీవే,
నీ వల్లే నీవైన ప్రేమే గొప్ప
